දෙවිනුවර යනු ශ්‍රී ලංකාවේ දකුණු පළාතේ මාතර දිස්ත්‍රික්කයේ පිහිටි නගරයකි. දෙවිනුවර ප්‍රදීපාගාරය, ශ්‍රි ව්ෂ්ණු දේවාලය හි හින්දු සිද්ධස්ථාන කිහිපයක නටබුන් සහ විහාර (බෞද්ධ විහාරස්ථානයක්) අවට පිහිටා ඇත.

දෙවිනුවර වරාය නගරය හෝ දෙවිනුවර පන්සල් නගරය ලෙස හැඳින්වෙන මෙය 16 වන සියවසේ අග භාගය දක්වා පන්සල් වරාය නගර සංකීර්ණයක් විය. බහු ආගමික භූමියක් වන එහි මූලික දේවතාවිය වූයේ බෞද්ධ දෙවියකු වූ උපුල්වන් දෙවියන් වන අතර එහි උච්චතම අවස්ථාව වන විට දිවයිනේ වඩාත් ප්‍රසිද්ධ ආගමික ස්ථානයක් වූ අතර හින්දු හා බුද්ධාගමේ විවිධ නිකායන්හි ප්‍රතිමා දහසක් අඩංගු විය. පළමුවන දප්පුල රජුගේ කාලයට අයත් එය ආසියාව, අප්‍රිකාව, යුරෝපය සහ මලබාර් වෙරළ තීරය සමඟ පුළුල් සම්බන්ධතා ඇති ජනප්‍රිය වන්දනා ගමනාන්තයක් සහ ප්‍රසිද්ධ ස්තානයක් ලෙස තිබිනි. වරාය නගරය ප්‍රධාන වශයෙන් සිංහල රජවරුන් සහ වෙළඳ සංසද විසින් නඩත්තු කරන ලදී. මෙම විහාරස්ථානය ඉදිකර ඇත්තේ ඉන්දියානු සාගරයට සමීපවය. විවිධ සිංහල හා දෙමළ රාජකීය රාජවංශිකයන් සහ වන්දනාකරුවන්ගේ අනුග්‍රහයෙන් තෙනවරම් කෝවිල ඉතා වැදගත් පූජනීය ස්ථානයක් බවට පත්විය. ශාස්ත්‍රීය ද්‍රවිඩ ගෘහ නිර්මාණ ශිල්පයේ චෙරා ශෛලියට අනුව ඉදිකරන ලද මෙය ශිව දෙවියන් සහ විෂ්ණු දෙවියන් ඇතුළු බොහෝ හින්දු දෙවිවරුන්ගේ බැතිමතුන්ගේ නිවහනක් විය. ක්‍රි.ව. 5 සිට 7 වන සියවස දක්වා එහි සොයාගත් ප්‍රතිමා රූප සහ නටබුන් පල්ලව කලාවේ උච්ච ස්ථාන පිළිබිඹු කරයි.